Félagsstarfsemi

Starfsemi í Jónshúsi er margvísleg, húsið er í dag fyrst og fremst rammi um félagsstarfsemi hinna fjölmörgu Íslendinga sem búsettir eru á Kaupmannahafnarsvæðinu. Skrifstofu og vinnuaðstaða er fyrir félög Íslendinga en fjöldi félaga nýtir sér aðstöðu í húsinu til funda og samkomuhalds af ýmsum toga.

Í Jónshúsi er bókasafn Íslendinga í Kaupmannahöfn og Minningarstofur Jóns Sigurðssonar. Fræðimaður, sem dvelur hverju sinni í fræðimannsíbúð Alþingis við Skt. Paulsgade, hefur til afnota vinnustofu á 2. hæð hússins.

Umsjónarmaður Jónshúss er Jón R. Runólfsson.
Umsjónarmaður hefur umsjón og eftirlit með viðhaldi og rekstri hússins og fræðimannsíbúðar, raðar niður dagskrá hússins o.s.frv. Skrifstofa umsjónarmanns er á 2. hæð og er síminn 33137997, netfang : jonshus@mail.tele.dk

Eftirtaldir aðilar eru með fasta starfsemi í húsinu:

• AA-deild mánudaga
• AA-deild miðvikudaga
• AA-deild sunnudaga
• Al-Anon deild þriðjudaga
• Bókmenntaklúbburinn THOR
• Bókasafn íslendinga í Kaupmannahöfn
• Íslenski skólinn
• Íslenski söfnuðurinn
• Íslendingafélagið
• 11. spors hugleiðslufundir laugardaga
• Konukvöld
• Kvennakór Kaupmannahafnar
• Mömmumorgnar
• Prjónaklúbburinn
• STAKA, blandaður kór
• Sunnudagaskólinn