Úthlutun fræðimannsíbúðar Húss Jóns Sigurðssonar 2001-2002
Úthlutunarnefnd fræðimannsíbúðar bárust að þessu sinni 24 umsóknir. Átta fræðimenn fá afnot af íbúðinni.
Úthlutunarnefnd fræðimannsíbúðar samkvæmt reglum um Hús Jóns Sigurðssonar í Kaupmannahöfn hefur lokið störfum og úthlutað íbúðinni frá 1. september 2001 til 31. ágúst 2002.
Í úthlutunarnefndinni eiga sæti Halldór Blöndal, forseti Alþingis, Helgi Ágústsson, sendiherra
Íslands í Kaupmannahöfn, og dr. Jakob Yngvason prófessor.
Alls bárust nefndinni að þessu sinni 24 umsóknir.
Átta fræðimenn fá afnot af íbúðinni sem hér segir:
Aðalheiður Guðmundsdóttir, rannsókn á "týndum" fornaldarsögum, og
Guðvarður Már Gunnlaugsson, skrift í íslenskum handritum.
Helga Kress, bréfasöfn íslenskra menntamanna á 19. öld.
Hjörtur Pálsson, Magnús Ásgeirsson, líf hans og list.
Jóhanna Þráinsdóttir, Sören Kierkegaard og tengsl hans við Ísland.
Sumarliði R. Ísleifsson, Saga stjórnarráðsins.
Þórir Stephensen, skýring á Ferðadagbók Magnúsar Stephensens.
Þórunn Valdimarsdóttir, bréfasöfn danskra manna sem Matthías Jochumsson
skrifaðist á við.
Fræðimannsíbúðin í Kaupmannahöfn, tengd nafni Jóns Sigurðssonar, er
skammt frá Jónshúsi, í Skt. Paulsgade 70. Fræðimaður hefur enn fremur
vinnustofu í Jónshúsi.