Biskup Íslands heimsækir Jónshús á aðventu 2015
Biskup Íslands , frú Agnes M. Sigurðardóttir, kemur í heimsókn til Danmerkur 3. til 6. desember 2015.
Biskup Íslands mun eiga fundi með kirkjumálaráðherra Danmerkur og með prófasti og biskupi í Kaupmannahafnarumdæmi. Frú Agnes mun kynna sér starfsemi Jónshúss, heimsækja Íslenskuskóla barnanna og funda með sóknarnefnd íslenska safnaðarstarfsins.
Biskup Íslands verður gestur á aðventuhátíð íslenska kirkjustarfsins í Skt. Pauls kirkju sunnudaginn 6. desember kl. 14.00. Á aðventuhátíðinni mun Íslenski Kvennakórinn syngja undir stjórn Sigríðar Eyþórsdóttur og Kammerkórinn Staka syngja undir stjórn Stefáns Arasonar. Frú Agnes mun flyta hugvekju á hátíðinni.
Að aðventuhátíð lokinni mun Jónshús bjóða upp á heitt súkkulaði og smákökur.
Allir eru innilega velkomnir.