Hátíð Jóns Sigurðssonar í Jónshúsi í Kaupmannahöfn
Hátíð Jóns Sigurðssonar verður haldin í Jónshúsi í Kaupmannhöfn á kvenréttindaginn, 19. júní 2011 kl. 16.00, og verða Verðlaun Jóns Sigurðssonar forseta afhent af því tilefni. Markmiðið með hátíðinni er að heiðra minningu Jóns Sigurðssonar og halda á loft verkum hans og hugsjónum.
Dagskrá hátíðarinnar:
- Ásta R. Jóhannesdóttir, forseti Alþingis, setur hátíðina.
- Melkorka Ólafsdóttir flytur tónlist á þverflautu. Píanóleikari er Galya Kolarova.
- Jóhanna Sigurðardóttir forsætisráðherra flytur hátíðarræðu.
- Íslenski kvennakórinn í Kaupmannahöfn flytur tónlist undir stjórn Sigríðar Eyþórsdóttur.
- Forseti Alþingis afhendir Verðlaun Jóns Sigurðssonar forseta.
- Melkorka Ólafsdóttir flytur tónlist á þverflautu. Píanóleikari er Galya Kolarova.
- Sólveig Pétursdóttir, formaður undirbúningsnefndar afmælis Jóns Sigurðssonar, kynnir margmiðlunarsýningu sem gerð er í tilefni 200 ára afmælisársins.
Karl M. Kristjánsson, formaður stjórnar Húss Jóns Sigurðssonar, stjórnar dagskrá.