Á þriðju hæð er sýning sem fjallar um uppvöxt, ævi og
lífsstarf Jóns Sigurðssonar og helstu áfanga í
sjálfsstæðisbaráttu Íslendinga að honum gengnum, heimastjórn
1904, fullveldi 1918, stofnun lýðveldis 1944 og mikil samskipti
Íslendinga og Dana síðan. Saga hússsins er rakin og greint er
frá þætti Tryggva Gunnarssonar í stofnun Safns Jóns
Sigurðssonar. Loks er lítil sýning tileinkuð Ingibjörgu
Einarsdóttur i eldhúsi hennar.
Sýningin var aukin og endurbætt
árið 2004 þegar 100 ár voru frá því að Ísland fékk
heimastjórn og 200 ár frá fæðingu Ingibjargar Einarsdóttur.
Sýningin er að hluta frá 1993 en
hana gerðu Bryndís Sverrisadóttir fil. kand. og Þórunn S.
Þorgrímsdóttir leykmyndahönnuður. Helga Guðmundsdóttir
þýddi texta á dönsku.
Sýninguna sem opnuð var 4. mars
2004 gerðu Guðjón Friðriksson sagnfræðingur og Björn G.
Björnsson sýningahönnuður hjá List og sögu ehf. Lars H.
Andersen þýddi texta á dönsku.
Þjóðskjalasafn Íslands lánaði
skjöl og Þjóðminjasafn Íslands lagði til muni úr Safni Jóns
Sigurðssonar.
Alþingi kostaði gerð
sýninganna.
Sýning um Jón Sigurðsson er opin
á þriðjudögum,miðvikudögum, fimmtudögum og föstudögum kl. 12.00 - 20.00,
á laugardögum
og
sunnudögum kl.
10.00 - 16.00 og í samráði við umsjónarmann í síma 33137997
|
Félagsstarfsemi