Forsætisnefnd ákvað, að tillögu stjórnar Húss Jóns Sigurðssonar, að Alþingi skyldi á Hátíð Jóns Sigurðssonar veita Verðlaun Jóns Sigurðssonar þeim einstaklingi sem hefur unnið verk sem tengjast hugsjónum og störfum Jóns Sigurðssonar. Þessi verk geta jöfnum höndum verið á sviði fræðistarfa, viðskipta eða mennta- og menningarmála. Verðlaun Jóns Sigurðssonar hafa verið veitt eftirfarandi einstaklingum:

• 2023: Herdís Steingrímsdóttir, hagfræðingur
• 2022: Gunnar Þór Bjarnason, sagnfræðingur
• 2021: Auður Hauksdóttir, prófessors emerita
• 2020: Böðvar Guðmundsson, rithöfundur. ljóðskáld, leikskáld og fv. kennari
• 2019: Vibeke Nørgaard Nielsen, rithöfundur og fv. kennari
• 2018: Tryggvi Ólafsson, myndlistarmaður
• 2017: Annette Lassen, rannsóknardósent
• 2016: Dansk-Islandsk samfund
• 2015: Sigríður Eyþórsdóttir, tónlistarmaður og kórstjóri
• 2014 Bertels Haarders, fyrrverandi menntamálaráðherra Danmerkur
• 2013: Erling Blöndal Bengtsson, sellóleikari
• 2012: Pétur M. Jónasson, vatnalíffræðingur og prófessor emeritus
• 2011: Vigdís Finnbogadóttir, fyrrverandi forseti Íslands
• 2010: Søren Langvad, byggingarverkfræðingur og forstjóri
• 2009: Erik Skyum-Nielsen, bókmenntafræðingur og þýðandi
• 2008: Guðjón Friðriksson, sagnfræðingur

Verðlaun Jóns Sigurðssonar 2022 féllu í hlut Gunnars Þórs Bjarnasonar sagnfræðings. Gunnar Þór hefur með rannsóknum sínum og ritverkum lagt fram markverðan skerf til aukinnar þekkingar og skilnings á sögu Íslands. Rannsóknir hans hafa m.a. tengst sjálfstæðisbaráttu Íslendinga og öðrum þáttum í samþættri sögu Íslands og Danmerkur á 19. og 20. öld.

 Verðlaun Jóns Sigurðssonar 2021 voru afhent í Jónshúsi 11. september þegar haldið var upp á 50 ára afmæli menningar- og félagsstarfs í Jónshúsi. Verðlaunin hlaut að þessu sinni Auður Hauksdóttir, prófessors emerita. Að mati forsætisnefndar Alþingis hefur Auður með störfum sínum lagt af mörkum ríkulegan skerf til skilnings á mikilvægi dönskukennslu í íslenska skólakerfinu og þeirri þýðingu sem hún hefur sem samskiptamál fyrir Íslendinga við aðrar norrænar þjóðir. Með þessu hefur hún styrkt bönd Íslands við norrænar frændþjóðir og fyrir það hlaut hún Verðlaun Jóns Sigurðssonar forseta árið 2021.

Verðlaun Jóns Sigurðssonar forseta árið 2020 féllu í hlut Böðvars Guðmundssonar, rithöfundar, ljóðskálds, leikskálds og fyrrverandi kennara. Böðvari voru veitt verðlaunin fyrir framlag hans til að stuðla að blómlegri menningar- og félagsstarfsemi í Jónshúsi, en í september 2020 var hálf öld liðin frá því að Jónshús varð miðstöð félags- og menningarstarfsemi Íslendinga í Kaupmannahöfn.

Verðlaun Jóns Sigurðssonar 2019 féllu í hlut Vibeke Nørgaard Nielsen, rithöfundar og fyrrverandi kennara. Framlag Vibeke við kynningu á Íslandi og íslenskri menningu í Danmörku með sýningum, kynningum og fyrirlestrum um Ísland um langt árabil er ómetanlegt. Einnig hefur hún skipulagt fjölmargar Íslandsferðir fyrir Dani. Þá er bók hennar um Íslandsferðir danska listmálarans Johannesar Larsens, Listamaður á söguslóðum, sem út kom í Danmörku 2004, og í íslenskri þýðingu 2015, mikilvægt framlag til menningartengsla landanna.

Lesa meira

Hátið Jóns Sigurðssonar var haldin 19. apríl 2018, á sumardaginn fyrsta. Steingrímur J. Sigfússon, forseti Alþingis, setti hátíðina og afhenti Verðlaun Jóns Sigurðssonar forseta og Gunnar Þór Bjarnason sagnfræðingur flutti hátíðarræðu dagsins.

Hátíð Jóns Sigurðssonar var haldin í Jónshúsi í Kaupmannahöfn í dag, 20 apríl, á sumardaginn fyrsta. Unnur Brá Konráðsdóttir, forseti Alþingis, setti hátíðina og afhenti Verðlaun Jóns Sigurðssonar forseta.

Verðlaun Jón Sigurðssonar féllu að þessu sinni í hlut félagsins Dansk-Islandsk Samfund. Dansk-Islandsk Samfund starfar bæði á Íslandi og í Danmörku og hefur í 100 ára sögu sinni verið mikilvægur vettvangur til að rækta náin samskipti þjóðanna á sviði mennta og menningar, fræðslu og upplýsingar, með ótal viðburðum, fyrirlestrum, hátíðum, úthlutun námsstyrkja og útgáfustarfi.

Verðlaun Jón Sigurðssonar féllu að þessu sinni í hlut Sigríðar Eyþórsdóttur, tónlistarmanns og kórstjóra, fyrir framlag hennar til Íslandskynningar í Danmörku með bókmenntakynningum og tónlistarflutningi.

Verðlaunin féllu að þessu sinni í hlut Bertels Haarders, fyrrverandi menntamálaráðherra Danmerkur, fyrir framlag hans til menningarsamstarfs Danmerkur og Íslands, sem og fyrir stuðning hans við varðveislu þjóðararfsins.

Verðlaun Jóns Sigurðssonar 2013 komu í hlut Erlings Blöndals Bengtssonar sellóleikara. Erling á að baki langan og farsælan tónlistarferil og hefur lagt mikið af mörkum við að efla tengsl Íslands og Danmerkur á sviði tónlistar.

Verðlaun Jóns Sigurðssonar forseta árið 2012 hlýtur dr. phil. Pétur M. Jónasson, vatnalíffræðingur og prófessor emeritus. Hann hefur með framúrskarandi fræðistörfum á sviði vatnalíffræði í Danmörku og á Íslandi lagt fram mikilvægan skerf til að styrkja vísindasamstarf þjóðanna. 

Frú Vigdís Finnbogadóttir, fyrrverandi forseti Íslands, hlýtur Verðlaun Jóns Sigurðssonar forseta árið 2011. Í forsetatíð sinni efldi hún og styrkti vináttu milli Íslands og Danmerkursem ötull talsmaður menningarsamskipta þjóðanna.