Spánska veikin á Íslandi og drepsóttir 19. aldar
Fræðimaður segir frá, Magnús Gottfreðsson
Í þessu erindi verður saga spánsku veikinnar á Íslandi rifjuð upp og m.a. stuðst við samtímafrásagnir og lýsingar á einkennum og afleiðingum veikinnar. Jafnframt verður tæpt á rannsóknum á spánsku veikinni og drepsóttum 19. aldar, s.s. mislingafaröldrum, sem unnið hefur verið að hér á landi undanfarin ár.
Magnús Gottfreðsson sem nú er fræðimaður í Jónshúsi er smitsjúkdómalæknir og prófessor við læknadeild Háskóla Íslands. Hann lauk embættisprófi frá læknadeild HÍ árið 1991, doktorsprófi frá sömu deild 1999 og stundaði sérnám í lyflækningum og smitsjúkdómum við Duke háskóla í Norður-Karólínu í Bandaríkjunum 1993-1999. Hann hefur stundað rannsóknir á alvarlegum sýkingm, þ.á.m. inflúensu og heilahimnubólgu, en jafnframt leitast við að nýta sagnfræðileg gögn til að varpa ljósi á faraldra fyrri alda hérlendis.
Verið velkomin
Aðgangur ókeypis