Formleg opnun sýningar Hrafnhildar Njálsdóttur

Icelandair félagsvist 

Föstudaginn 31. október kl. 19.00

Icelandair félagsvistin er fastur liður í starfsemi Jónshúss. Vistin er haldin síðasta föstudag í hverjum mánuði og hefst spilamennska stundvíslega kl. 19.

Veitingar í hléi eru seldar á 50 kr. Veitt eru verðlaun.

Veitt eru verðlaun fyrir kvöldið og eru þau að þessu sinni í boði Icefood . Aðalvinningar eftir veturinn eru tvö gjafabréf frá Icelandair.

Allir velkomnir, ungir sem aldnir, engin krafa er um að kunna félagsvist.

Skráning og nánari upplýsignar hér .

---

Krakkakirkjan – Hrekkjavaka í Jónshúsi

Laugardaginn 1. nóvember kl. 11 – 13

Allir eru hvattir til að mæta í búningi.

Annan hvern laugardag er mikið fjör í Krakkakirkjunni í Jónshúsi, en krakkakirkjan er barna- og fjölskyldustund, hugsuð fyrir öll börn á aldrinum 1-8 ára. Lögð er áhersla á huggulega samverustund þar sem hlustað er á sögur, dansað og sungið á íslensku.

Eftir stundina er hlaðborð; brauð, djús og ávextir, verð 10 kr. á mann. Þegar börnin eru búin að borða geta foreldrar spjallað saman á meðan krakkarnir leika sér.

Allir velkomnir.

Skráning á viðburð hér.

---

Hrafnhildur Njálsdóttir sýnir í Jónshúsi

Verið velkomin á opnun listasýningar laugardaginn 1. nóvember kl. 15 – 17.

Sýnd verða 20 verk Hrafnhildar sem bæði eru málverk á striga og þrívíddar verk.

Hrafnhildur sem fædd er og uppalin í Keflavík bjó 12 ár í Danmörku og er menntuð frá Grafisk Kunstskole í Árósum sem og frá Myndlistaskóla Reykjavíkur. Hún býr stærsta hluta ársins á Spáni þar sem hún málar, en dvelur yfir sumarið á Íslandi. 

Hrafnhildur hefur haldið fjölda sýninga undanfarin 18 ár og hefur auk þess tekið þátt í samsýningum í tengslum við Ljósanótt í Keflavík.

Þetta er fyrsta sýning Hrafnhildar í Jónshúsi og býður hún alla velkomna á sýninguna.

---

Garnaflækjan

Þriðjudaginn 4. nóvember kl. 18.30 – 21.30

Í nóvember bjóðum við Höllu Ben prjónasnilling með meiru velkomna. Hún mun halda spennandi örnámskeið í að lykkja saman undir höndum.

Prjónakaffi Garnaflækjunnar eru opin öllum sem hafa gaman af handavinnu. Viðburðinn fer fram á íslensku.

Endilega tilkynnið þátttöku hér.

Til að geta tilkynnt þátttöku, þarf viðkomandi að vera meðlimur í Garnaflækjunni í Kaupmannahöfn.

Húsið opnar klukkan 18:30.

Verð 50 krónur (veitingar & drykkir innifalið).

Unnt er að greiða með MobilePay.