Fréttabréf Jónshúss
Íslenskur karlakór
Áhugi Íslendinga á að syngja í kór er mjög mikill. Nú eru fimm mismunandi kórar sem æfa í Jónshúsi.
Í janúar hóf göngu sína íslenskur karlakór. Næsta æfing er á morgun, miðvikudag, kl. 17:30.
Í dag, þriðjudag 6. mars.
Slökunarjóga með Unni Arndísardóttur
Frír prufutími í dag klukkan 16:30 - 17:45.
Prjónakaffi Garnaflækjunnar kl. 18:30 - 21:30.
Fimmtudagur 8. mars
Alþjóðlegur baráttudagur kvenna
Eins og venja er verður haldið upp á Alþjóðlegan baráttudag kvenna í Jónshúsi.
Í ár mun dr. Ólína Þorvarðardóttir þjóðfræðingur halda erindi sem kallast "Kvenmynd forn og ný" og fjallar um stöðu konunnar í dag samanborið við fornkonurnar sem voru merkilegt nokk læknar og hofgyðjur og réðu meiru en margur heldur, eins og höfundur mun kynna nánar.
Góður félagsskapur, veitingasala og tónlistaratriði frá Kvennakórnum.
Húsið opnar kl.18 (veitingasala opnuð)
Ólína flytur erindi sitt kl. 19:00.
Nánar um viðburðinn hér.
Sunnudagur 11. mars klukkan 13:00 - 14:00.
Sunnudagaskóli
Næsta sunnudag verður mikið fjör í sunnudagaskólanum. Við ætlum að syngjum saman og hlusta á sögu. Eftir stundina verður boðið upp á hressingu og huggulegheit. Allir hjartanlega velkomnir.