Fréttabréf og dagskrá
Icelandair félagsvist, sunnudagaskóli, Garnaflækjan, Félag kvenna í atvinnulífinu í Danmörku og “kappar og fínerí” (í anda Ingibjargar E.)
Icelandair félagsvist
Föstudaginn 29. mars, húsið opnar kl. 19.00
Síðasta föstudag í hverjum mánuði stendur Íslendingafélagið fyrir félagsvist. Í félagsvist er spilað á mörgum borðum þar sem fjórir sitja við hvert borð. Sigurvegarar á hveru borði færa sig á milli borða á milli leikja, eftir fyrirfram ákveðnum reglum. Sömuleiðis er fyrirfram ákveðið hvernig haga skuli ákvörðun um gjafara og forhönd. Að öðru leyti eru sömu reglur og í vist.
Aðgangur er ókeypis en mikilvægt er að tilkynna þátttöku (vistdk@gmail.com) eigi síðar en miðvikudagskvöldið 27. mars. Það gerir skipuleggjundum auðveldra fyrir með að áætla veitingar sem eru veittar gegn vægu gjaldi.
Það er ávallt mikil og góð stemmning á þessum kvöldum. Allir velkonmir.
Sunnudagaskóli
Sunnudaginn 31. mars kl. 11.15
Rebbi og Mýsla mæta á svæðið eins og venjulega. Við ætlum að syngja og dansa, fræðast, hlusta á sögu og gera margt fleira skemmtilegt.
Eftir stundina verður boðið upp á smá hressingu,
kaffi og saft. Foreldrar hafa færi á að spjalla saman á meðan börnin lita og
leika sér.
Garnaflækjan
Þriðjudaginn 2. apríl kl. 18.30 – 21.30
Vorið er komið og grundirnar gróa. Er þá ekki upplagt að
mæta á prjónakaffi Garnaflækjunnar? Skráning og nánari upplýsingar hér.
Öll prjónakaffi Garnaflækjunnar eru opin öllu
handavinnufólki. Athuga ber þó að allt fer fram á Íslensku.
Kaffi og kaka til sölu fyrir 30 krónur. Endilega tilkynnið þátttöku, til að kökusneiðin værði örugglega hæfilega stór.
Félag kvenna í atvinnulífinu í Danmörku
Félag kvenna í atvinnulífinu í Danmörku heldur fund fimmtudaginn 4. apríl. Nú mun ung íslensk kona úr atvinnulífnu að bjóða okkur á sinn vinnustað og segja okkur hvað hún hefur lært.
Tryggið ykkur miða hér: https://billetto.dk/e/thad-sem-eg-hef-laert-danmork-island-og-graenland-billetter-346261/
Nánar um Félag kvenna í atvinnulífinu í Danmörku er að finna hér .
“kappar og fínerí” (í anda Ingibjargar E.)
Föstudaginn 5. apríl kl. 17.00
Opnun sýningar. GuðrúnGunnarsdóttir mun sýna víraverk út frá höfðuðskrauti Ingibjargar (sem hún ber á þeim ljósmyndum sem Guðrún hefur fundið af henni) og vatnslitaverk út frá mynstrum á þeim kjólum sem hún ber á ljósmyndum. Sýningin verður opin til 31. júní 2019.
Allir velkomnir. Boðið verður upp á léttar veitingar.
Nánar um viðburðinn og skráning hér .