Haustfrí

Húsið verður lokað frá 17. október til og með 22. október,  í viku 42.  Öll starfsemi í húsinu fer í haustfrí nema AA og AL - Anon fundir.

---

Mömmumorgun 

Fimmtudaginn 13.október klukkan 11:00 til 14:00.
Allar mæður og verðandi mæður velkomnar. 

Það er hægt að taka vagninn inn. 

---

Íslenskuskólinn

Laugardaginn 15. október er kennsla bæði fyrir yngri og eldri nemendur. Laugardaginn 22. október er haustfrí, engin kennsla.

---

Sunnudagaskóli

Sunnudaginn 23.október er sunnudagaskóli klukkan 13:00 til 14:00. Nánar auglýst síðar. 

---

Íslendingafélagið í Kaupmannahöfn, boðar til aðalfundar félagsins:

 föstudaginn 28. október 2016, kl. 18:00 í Jónshúsi.

 

Fundardagskrá verður með hefðbundnu sniði samkvæmt 7. grein samþykkta félagsins.

Samkvæmt 5. grein samþykkta félagsins, hafa einungis skuldlausir félagsmenn frá síðasta reikningsári (2015 til 2016) atkvæðisrétt og kjörgengi á aðalfundi. Hverju árgjaldi fylgir eitt atkvæði. Það verður mögulegt að greiða félagsgjald komandi árs áður en aðalfundurinn hefst, til að öðlast atkvæðisrétt og kjörgengi.

Dagskrá:

1. Kosning fundarstjóra og fundarritara.

2. Skýrsla um starfsemina á liðnu ári/stjórnartímabili.

3. Reikningar lagðir fram.

4. Kosningar í stjórn og nefndir.

5. Kosning endurskoðanda (tveir og einn til vara).

6. Ákvörðun árgjalda.

7. Önnur mál.

Tillögur að lagabreytingum er hægt að senda á netfangið: [email protected], í síðasta lagi 14. október nk.

Allir velkomnir og við vonumst til að sjá sem flesta.

Stjórnin

---

Auglýst er eftir umsóknum um dvöl í íbúð fræðimanns í Jónshúsi 2017

Nánari upplýsingar hér.