Aljóðlegur baráttudagur kvenna
Eins og undanfarin ár héldu íslenskar konur í Kaupmannahöfn upp á 8.mars, alþjóðlegan baráttudag kvenna í Jónshúsi.
Kvennakórinn og Elín Ösp Gísladóttir sáu um að skipuleggja þennan viðburð.
Í ár voru tveir fyrirlestrar, þann fyrri hélt Anna Kristín Magnúsdóttir, hún sagði frá starfi sínu hjá Reden International á Vesterbro þar sem unnið er með erlendum stúlkum sem koma frá Afríku flestar frá Nígeríu og eru í vændi, þessar stúlkur eru líka fórnarlömb mannsals. Það er óhætt að segja að fyrirlestur Önnu Kristínar vakti upp sterkar tilfinningar.
Seinna erindið hélt Sunna Ingólfsdóttir, hún er ein af stofnendum rokkbúðanna Stelpur rokka. Sunna sagði frá starfinu, hugmyndinni að þessu verkefni og hverning þessi grasrótarvinna hefur undið upp á sig. Einnig voru sýnd nokkur myndbrot af því sem stlepurnar í búðunum hafa gert.
Kvennakórinn söng nokkur lög og sá um veitingasölu.
Í lokin sungu allar Áfram stelpur.
Hér er hægt að lesa skemmtilega hugleiðingu frá einni sem var á fundinum í gær.
https://www.facebook.com/RaggaNagli/?hc_ref=PAGES_TIMELINE&fref=nf