Tilnefning til verðlauna Jóns Sigurðssonar
Stjórn Húss Jóns Sigurðssonar óskar eftir tilnefningum til verðlauna Jóns Sigurðssonar forseta, sem eru veitt af Alþingi í minningu starfa Jóns Sigurðssonar í þágu Íslands og Íslendinga. Verðlaunin verða afhent á hátíð Jóns Sigurðssonar í Jónshúsi í Kaupmannahöfn á sumardaginn fyrsta.
Samkvæmt 18. gr. reglna um hús Jóns Sigurðssonar skulu verðlaunin veitt einstaklingum og félagasamtökum fyrir framlag sem eflir tengsl Íslands og Danmerkur og tengist hugsjónum og/eða störfum Jóns Sigurðssonar. Slíkt framlag getur jöfnum höndum verið á sviði fræðistarfa, vísinda, mennta- eða menningarmála. Verðlaununum er ætlað að vera viðurkenning fyrir þegar unnið framlag og/eða hvatning til góðra verka.
Tilnefningar óskast sendar á netfangið [email protected] fyrir 30. janúar nk.
Eftirtalin hafa hlotið verðlaunin frá því þau voru fyrst veitt árið 2008:
· 2025: Íslenski söfnuðurinn í Danmörku
- 2024: Birgir Thor Møller, kvikmyndafræðingur og menningarmiðlari
- 2023: Herdís Steingrímsdóttir hagfræðingur
- 2022: Gunnar Þór Bjarnason sagnfræðingur
- 2021: Auður Hauksdóttir, prófessors emerita
- 2020: Böðvar Guðmundsson, rithöfundur. ljóðskáld, leikskáld og fv. kennari
- 2019: Vibeke Nørgaard Nielsen, rithöfundur og fv. kennari
- 2018: Tryggvi Ólafsson myndlistarmaður
- 2017: Annette Lassen rannsóknardósent
- 2016: Dansk-Islandsk samfund
- 2015: Sigríður Eyþórsdóttir, tónlistarmaður og kórstjóri
- 2014 Bertel Haarder, fyrrverandi menntamálaráðherra Danmerkur
- 2013: Erling Blöndal Bengtsson, sellóleikari
- 2012: Pétur M. Jónasson, vatnalíffræðingur og prófessor emeritus
- 2011: Vigdís Finnbogadóttir, fyrrverandi forseti Íslands
- 2010: Søren Langvad, byggingarverkfræðingur og forstjóri
- 2009: Erik Skyum-Nielsen, bókmenntafræðingur og þýðandi
- 2008: Guðjón Friðriksson sagnfræðingur