Fréttir og tilkynningar (Síða 17)

Laugardaginn 17. júní frá klukkan 13:00 til 17:00.Femøren Amager Strandpark.

ÍFK stendur fyrir beinni útsendingu á landsleik Íslands og Króatíu í forkeppni HM 2018 í fótbolta. Í Jónshúsi, á breiðtjaldi með íslenskri lýsingu RÚV. Ískaldur bjór og gos til sölu á vægu verði. Húsið verður opnað kl. 20:00. 

Allir velkomnir á meðan húsrúm leyfir.

Í dag annan dag hvítasunnu er íslenskt guðsþjónusta í Skt Pauls kirkju kl. 14:00 að lokinni guðsþjónustu er vöfflukaffi í Jónshúsi.

Allir velkomnir

Síðasta prjónakaffi Garnaflækjunnar fyrir sumarfrí er í dag 1. júní kl. 18:30.Allir velkomnir, skráning hér.

Íslenski Kvennakórinn og kvennakórinn Dóttir halda tónleika með gestakórum.

Úthlutunarnefnd fræðimannsíbúðar, samkvæmt reglum um Hús Jóns Sigurðssonar í Kaupmannahöfn, hefur lokið störfum og úthlutað íbúð fræðimanns á 2. hæð hússins frá ágústlokum 2017 til ágústloka 2018. Nefndinni bárust að þessu sinni umsóknir um dvöl til að sinna 29 verkefnum.

Sunnudaginn 14. maí er íslensk guðsþjónusta í Skt. Pauls kirkju.  

Söngvarinn góðkunni frá Bíldudal Jón Kr. Ólafsson, Ingimar Oddsson og léttsveit undir stjórn Jóseps Arnars Blöndal héldu tónleika í Jónshúsi.

Jón hefur fengið til liðs við sig söngvarann Ingimar Oddsson en þeir eru báðir frá Bíldudal. 
Léttsveit undir stjórn Jóseps Arnars Blöndal mun leika undir með þeim félögum og aðgangur er ókeypis. 

Hátíð Jóns Sigurðssonar var haldin í Jónshúsi í Kaupmannahöfn í dag, 20 apríl, á sumardaginn fyrsta. Unnur Brá Konráðsdóttir, forseti Alþingis, setti hátíðina og afhenti Verðlaun Jóns Sigurðssonar forseta. Gerður Kristný rithöfundur var aðalræðumaður að þessu sinni.

Hátíð Jóns Sigurðssonar verður haldin í Jónshúsi í Kaupmannahöfn á sumardaginn fyrsta, 20. apríl 2017, kl. 16.30. 

Verðlaun Jóns Sigurðssonar forseta verða afhent af því tilefni. Markmiðið með hátíðinni er að heiðra minningu Jóns Sigurðssonar og halda á loft verkum hans og hugsjónum.

Hjörleifur Stefánsson arkitekt og fræðimaður í Jónshúsi ætlar að segja frá byggingarsögu Hegningarhússins við Skólavörðustíg.

Allir velkomnir.

Í gær var opnuð myndlistasýning Sigrúnar Eldjárn í Jónshúsi þar sem sýndar eru nýjar teikningar af Jóni Sigurðssyni, Ingibjörgu konu hans og Bertel Thorvaldsen.

Sigrún Eldjárn sýnir splúnkunýjar teikningar um merkilegt fólk.

Íslensku kórarnir Kvennakórinn, kammerkórinn Staka og kvennakórinn Dóttir taka þátt í kóramóti sem fram fer í Kaupmannahöfn helgina 31. mars til 2. apríl.

Íbúð fræðimanns í Kaupmannahöfn, samkvæmt reglum um hús Jóns Sigurðssonar, er laus til afnota tímabilið 30. ágúst 2017 til 28. ágúst 2018. Umsóknir um íbúðina skulu hafa borist skrifstofu Alþingis eigi síðar en þriðjudaginn 18. apríl næstkomandi. Allar nánari upplýsingar og sérstök eyðublöð er að finna á heimasíðu Jónshúss.

Síðast liðið föstudagskvöld kom rithöfundurinn Jón Kalman Stefánsson í heimsókn í Jónshús. 

Það verður sérstök ánægja að taka á móti Jóni Kalmani á föstudagskvöldið. Heimsóknin hefst kl. 19.30 og mun Leshringurinn Thor II sjá um að kynna rithöfundinn, leiða spjall og stjórna fyrirspurnum úr sal.  

Eins og undanfarin ár héldu íslenskar konur í Kaupmannahöfn upp á 8.mars, alþjóðlegan baráttudag kvenna í Jónshúsi. Þær Anna Kristín Magnúsdóttir og Sunna Ingólfsdóttir héldu áhugverð erindi. 

Fimmtudaginn 23. febrúar lögðu íslenskir menntaskólanemar ásamt dönskukennara leið sína í Jónshús.